Saturday 10 May 2014

ലൈംഗികത

ലൈംഗികത
ലൈംഗികതയോട് എങ്ങനെ പ്രതികരിക്കുന്നു എന്നതനുസരിച്ചാണ് മനുഷ്യരുടെ അവസ്ഥകള്‍ മാറുന്നത്. തുറന്നു സമ്മതിച്ചാല്‍ മാന്യമായി ജീവിക്കാം. ഒളിച്ചു വച്ചാല്‍ വച്ച ഇടം തുരന്നു അത് പോയ വഴി എല്ലാം നാറ്റും. നേരെ അങ്ങ് പോയാല്‍ പോരേ?
വിശ്വസിക്കില്ല. ചിലര്‍ക്ക് അത് പോര ! അവര്‍ കള്ളം പറയുന്നത് അല്ല. അവര്‍ക്ക് പൂര്‍ണ തൃപ്തി ആവുന്നില്ല. അതാണ്‌ പ്രശ്നം.
അങ്ങനെ ഒരു പൂര്‍ണ തൃപ്തി ആര്‍ക്കും ഉണ്ടാവില്ല എന്നതാണ് സത്യം. എങ്കിലും ഒരു അപൂര്‍ണത മനസ്സ്ന്റെ പിന്നില്‍ ഒളിച്ചിരിക്കുന്നു എന്ന് മിക്കവര്‍ക്കും തോന്നും. അത് സ്വാഭാവികവും സത്യവും ആണ്. അതില്‍ നിന്ന് പൂര്‍ണമായി രക്ഷപ്പെടണമെങ്കില്‍ ബോധോദയം തന്നെ ഉണ്ടാവണം. സ്വയം തിരിച്ചു അറിയണം. അതിനുള്ള ആമ്പിയര്‍ ഉള്ളവര്‍ കുറവാണ്.
ഇങ്ങനെ ഉള്ളിലുള്ള അപൂര്‍ണത എന്ന തോന്നല്‍ ഇല്ലാതാക്കാന്‍ ആണ് ചിലര്‍ വിവാഹബന്ധങ്ങിളില്‍ ഏര്‍പ്പെടാതെ ഇരിക്കുന്നത്. അത്തരക്കാരെ വിവാഹിതര്‍ പരിഹസിക്കും. 'ഞാനോ പെട്ടു. നീ എന്തെടെ പെടാത്തത്?' എന്ന ഒരു ദയനീയ ചോദ്യം അന്തരീക്ഷത്തില്‍ മുഴങ്ങും. പിന്നെ വീണ കുഴി ഫയങ്ങര സംഫവം ആണെന്ന് നടിക്കും ! രക്ഷപെടെണ്ടേ ?
വിവാഹിതരെ തല്‍കാലം നമുക്ക് വിടാം. അവര്‍ എന്തായാലും അവിടെ തന്നെ കാണും. ജോലിക്ക് പോവുകയോ കുട്ടികളെ വളര്‍ത്തുകയോ സ്വന്തം ബുദ്ധിമുട്ടുകളെ കുറിച്ച് പരാതി പറയുകയോ മറ്റുള്ളവരെ അപേക്ഷിച്ച് തങ്ങളുടെ മേന്മ താരതമ്യം ചെയ്തു മണ്ടഹസിക്കുകയോ അട്ടഹസിക്കുകയോ കൂടുതല്‍ സമ്പത്ത് ഉള്ളവരോട് അസൂയപ്പെടുകയോ ഒക്കെ ആയി അവിടെ കിടന്നു കറങ്ങും. വേറെ പ്രശ്നം ഒന്നും ഇല്ല അവരെ കൊണ്ട്. പാര്‍ക്ക്‌, കടാപ്പൊറം, ലോട്ടറി, ബിവറേജ് ക്യു എന്നിവിടങ്ങളില്‍ ഇവരെ കാണാം. ക്ഷമയുടെ ആള്‍രൂപം പോലെ.
നമുക്ക് കല്യാണം കഴിക്കാത്ത അഭ്യാസികളെ നോക്കാം. ഇവരുടെ പരിപാടികള്‍ ആണ് രസം. ഇത്തരക്കാര്‍ മിക്കതും എത്തുന്നത് മതങ്ങളില്‍ ആണ്. പുരോഹിതന്‍, മതഭ്രാന്തന്‍ തുടങ്ങിയ ഇനങ്ങള്‍ ഈ നേര്‍വഴി വിട്ടു പിഴച്ചു പോയ അഭ്യാസികള്‍ ആണ്. സ്ത്രീകളെ എങ്ങനെ നിലയ്ക്ക് നിറുത്താം എന്നാണ് ഈ അണ്ണന്മാരുടെ ചിന്ത. വകുപ്പ് ഒന്നും കിട്ടാതെ വരുമ്പോള്‍ നേരെ ദൈവത്തിന്റെ പിടലിക്ക് കെട്ടി വയ്ക്കും.
ഇവരാണ് മത ഗ്രന്ഥങ്ങള്‍ എഴുതി പിടിപ്പിക്കുന്നത്. മിക്ക മത ഗ്രന്ധങ്ങളിലെയും വിഷയം സ്ത്രീകളെ എങ്ങനെ നിയന്ത്രിക്കാം, എങ്ങനെ ഒക്കെ പേടിപ്പിച്ചു സ്വന്തം ആവശ്യം സാധിക്കാം, അനുസരിക്കാത്ത അതായതു 'നീ പോടര്‍ക്ക' എന്ന് പറയുന്ന സ്ത്രീകളെ എങ്ങനെ ശിക്ഷിക്കാം എന്നൊക്കെ ആയിരിക്കും. അത് കണ്ടാല്‍ കാര്യം മനസ്സിലാക്കിക്കോളുക. ഇത് എഴുതിയവന്‍ ഒരു ഞരമ്പ് രോഗിയായ പുരുഷന്‍ ആണെന്ന് ! കാര്യം നിസ്സാരം.
അല്ലാതെ നമ്മുടെ പാവം മാന്യന്‍ ദൈവത്തിനു ഇക്കാര്യത്തില്‍ ഒരു പങ്കും ഇല്ല. 'സ്ത്രീകളുടെ മേല്‍ പരാക്രമം കാണിക്കാതെടോ പമ്പര വിഡ്ഢീ' എന്നാണ് ദൈവം പറയാന്‍ സാധ്യത.
മതങ്ങള്‍,ആത്മീയ കേന്ദ്രങ്ങള്‍ എന്താ വാഷിംഗ് മെഷീന്‍ പോലെ ആണോ ഒരാളുടെ ചോദനകള്‍ പോലും ഇല്ലാതാക്കാന്‍ ? തലേവര അമര്‍ത്തി ചെരച്ചാല്‍ പോവില്ല. വിശപ്പ്, ദാഹം, മലമൂത്ര വിസര്‍ജനം എന്നിവ ഒക്കെ പോലെ ഉള്ള ഒരു ശാരീരിക ചോദന ആണ് ലൈംഗികതയും. അത് മാന്യമായി ഉഭയസമ്മതത്തോടെ ഉള്ള ലൈംഗിക ബന്ധം കൊണ്ട് പരിഹരിക്കുകയാണ് നല്ലത്.
അതിനു പകരം അഭ്യാസം കാണിച്ചു 'ഓ ! എനിക്ക് അതൊന്നും പ്രശ്നം അല്ല' എന്ന മട്ടില്‍ സ്വയം വഞ്ചിക്കുന്നവര്‍ ആണ് ലോകത്തിലെ 'മുയുമന്‍ പ്രസ്ന'ങ്ങള്‍ക്കും കാരണം.
ഈ അഭ്യാസികള്‍ പകല്‍ വെണ്ണ പോലെ പുഞ്ചിരി തൂകി ശുഭ്ര വസ്ത്ര ധാരികള്‍ ആയി 'പോട്ടെ കാണാം വളരെ തിരക്കുണ്ട്‌' എന്ന മട്ടില്‍ തെക്ക് വടക്ക് പായുന്നത് കാണാം. ആരെങ്കിലും ഫോണ്‍ ചെയ്‌താല്‍ ' ഞാന്‍ ഒരു മീറ്റിങ്ങില്‍ ആണ്" എന്ന് പറഞ്ഞേക്കും. ചുമ്മാ ! വേഷം കെട്ട് ആണ്. പറയുന്നത് കേട്ടാല്‍ തോന്നും അമേരിക്കന്‍ പ്രസിടണ്ട് ഇവനെ കാത്തിരിക്കുന്നു എന്ന്.
കുറെ ഒക്കെ പോങ്ങിച്ച്ചടി മറ്റുള്ളവരുടെ മുന്നല്‍ ഹീറോ കളിച്ചു നടന്നിട്ട് ആശാന്‍ ഒറ്റയ്ക്ക് ആകുമ്പോള്‍ തനി ഗുണങ്ങള്‍ പുറത്തു വരും. അത് മറ്റാരും കാണില്ല. കാണിക്കുകയും ഇല്ല. കാണിക്കാന്‍ കൊള്ളില്ല. അത് കൊണ്ട് തന്നെ. പേടിക്കണ്ട. കണ്ടില്ലെങ്കിലും ഒരു പ്രശ്നവും ഇല്ല താനും.
ഒറ്റയ്ക്കാവുമ്പോള്‍ ഉള്ള കലാപരിപാടികള്‍ താഴെ പറയുന്നു.
സ്വയംഭോഗം, സ്വവര്‍ഗഭോഗം, അശ്ലീല ചിത്രങ്ങള്‍ കാണല്‍, സ്ത്രീകളെ തോണ്ടല്‍, ഒളിച്ചു നോട്ടം, ചീത്ത പറച്ചില്‍, ബാല പീഡനം, വേശ്യകളുടെ അടുത്തു കാര്യം സാധിക്കല്‍ തുടങ്ങി പക്ഷികളും മൃഗങ്ങളും ആയി വരെ ലൈംഗിക ബന്ധത്തില്‍ ഏര്‍പ്പെടും !
പകല്‍ ഒക്കെ ഒരു പച്ച ചിരിയും ആയി മാന്യന്‍ ആയി നടക്കും. രാത്രി തലയില്‍ മുണ്ടിട്ടു വേശ്യയുടെ കാലുകളില്‍ വീണു കിടക്കുന്നവന്‍ തന്നെ പകല്‍ വേശ്യാവൃത്തി പാപം ആണ് എന്ന് പ്രസങ്ങിക്കുകയും ചെയ്യും. ചെകുത്താന്‍ വേദം ഓതും എന്ന് മാത്രമല്ല ദൈവത്തിന്റെ വേഷം വരെ കെട്ടി എന്ന് വരും.
അത് സ്വന്തം കാമം തീര്‍ക്കാന്‍ മാത്രം ആണ്. അത് തിരിച്ചു അറിഞ്ഞാല്‍ മറ്റുള്ളവര്‍ക്ക് ഇവരെ കൊണ്ടുള്ള കൂടുതല്‍ ശല്യങ്ങളില്‍ നിന്ന് രക്ഷ പെടാം.
ഈ പാഷാണത്തില്‍ കൃമികളുടെ കൂടെ പെട്ട് പോയാല്‍ പെട്ടവരുടെ കാര്യം കട്ടപ്പൊഹ. ഇനി അഥവാ പെട്ടില്ലെങ്കില്‍ ദൂരെകൂടി പോകുന്നവനെ വരെ എറിഞ്ഞും വീഴ്ത്തുകയും ചെയ്യും. ഇഷ്ടന്‍ കുറെ അഭിപ്രായങ്ങള്‍ ഒക്കെ ഉച്ചത്തില്‍ തട്ടി മൂളിച്ചു ഈച്ചയും അടിച്ചു അങ്ങനെ ഇരിക്കും. വഴിയെ പോകുന്ന ഒറ്റയെണ്ണത്തിനെ വെറുതെ വിടില്ല. എല്ലാവരേയും ഒന്ന് തോണ്ടി നോക്കും. തോണ്ടിയാല്‍ തിരികെ മാന്തുന്ന ഇനങ്ങളെ വിട്ടുകളയും. ആരോഗ്യത്തിനു നല്ലതല്ല.
തറ, കൂതറ, ചന്ത, പട്ടി, തെണ്ടി, മരമാക്രി, ഈനാമ്പേച്ചി, മരപ്പട്ടി, വിഷപ്പാമ്പ്, തേള്‍, ചിലന്തി, പെരുച്ചാഴി, മരയോന്ത്, വവ്വാലിനു ഉണ്ടായത്, സാഡിസം (മറ്റുള്ളവരെ പീടിപ്പിക്കല്‍), മസോക്കിസം (സ്വയം പീഡിപ്പിക്കല്‍), ഞരമ്പ് രോഗി, വടക്ക് നോക്കി യന്ത്രം, അത്ഭുതദ്വീപിലെ കുള്ളന്‍, ദേഹോപദ്രവം, തെറി എന്നൊക്കെ പറഞ്ഞാല്‍ എന്താ യഥാര്‍ത്ഥ അര്‍ഥം എന്ന് സ്ത്രീകള്‍ക്ക് പ്രത്യേകിച്ചും ബോധ്യപ്പെടും. കൂടെ കൂടിപ്പോയാല്‍ പിന്നെ പുറത്തു മിണ്ടാനും പറ്റില്ല. ഇങ്ങനെയും ജന്മങ്ങള്‍ ഉണ്ടോ എന്ന് സ്ത്രീകള്‍ ദൈവത്തിനോട് ചോദിച്ചു പോവും. ദൈവം അത് കേട്ട് നാണിച്ചു കാല്‍ നഖം കൊണ്ട് ഒരു വര വരയ്ക്കും. 'നീ അല്ലെങ്കില്‍ നിന്റെ വേണ്ടപ്പെട്ടവര്‍ തന്നെ വലിച്ചു തലയില്‍ കേറ്റിയതല്ലേ അനുഭവിച്ചോ' എന്ന് പറഞ്ഞു കണ്ണ് ചിമ്മി ചിരിക്കുമായിരിക്കും.
മദാമ്മമാര്‍ ഇത്തരക്കാരെ വളരെ ലളിതമായി 'മലദ്വാരം' (Ass hole) എന്നാണു വിളിക്കുന്നത്‌. വായില്‍ കൂടി തീട്ടം (വൃത്തികെട്ട വാക്കുകള്‍) വരുന്നത് കൊണ്ട് ആവും.

No comments:

Post a Comment